O Grupo de Investigación Persoa-Ambiente reúne unha veintena de investigadores internacionais nun simposio que aúna a Psicoloxía Ambiental e a Neurociencia en Galicia e China

• Do 9 ao 11 de setembro de 2026, a Universidade da Coruña (UDC) acollerá o V International Meeting on Environmental Psychology and Urban Studies.
• Especialistas da UDC e de prestixiosas universidades chinesas como Tongji, Huazhong e Wuhan debaterán sobre neuroarquitectura, espazos terapéuticos e adaptación ao cambio climático.
• A inauguración terá lugar o mércores 9 de septembro, ás 9:00 am, na Sala de Visualizacións do CITEEC (edificio adxunto á Escola de Camiños, Campus de Elviña).
• Outorgarase diploma de asistencia (solicitarase recoñecemento de 1 crédito de libre configuración).
• Información e inscripcións: ricardo.garcia.mira@udc.es

A UDC acollerá a vindeira semana unha cita científica de primeiro nivel. Entre o 9 e o 11 de setembro de 2026 celebrarse o V International Meeting on Environmental Psychology and Urban Studies, baixo o lema “Environmental Psychology, Architecture, Urban Studies and Neuroscience”. Este foro internacional, coordinado por Ricardo García Mira e Cristina García Fontán, reúne a investigadores de España e China co obxectivo de redefinir o deseño das cidades do futuro aplicando os últimos avances na neurociencia e as ciencias do comportamento.

O encontro está organizado conxuntamente polo Grupo de Investigación Persoa-Ambiente e o CITEEC (Centro de Innovación Tecnolóxica en Edificación e Enxeñería Civil) da UDC. Conta ademais co patrocinio da Vicerreitoría de Investigación e Transferencia da UDC e de GADISA, e a colaboración da rede internacional IAPS – Sustainability Network, o Centro de Formación PRAXIS e o Instituto de Estudos e Investigacións Psicosociais “Xoán Vicente Viqueira”.

Inauguración institucional e académica

A apertura oficial terá lugar o mércores 9 de setembro ás 09:30 horas no Laboratorio de Psicoloxía Social para as Transicións cara á Sustentabilidade do CITEEC. O acto contará coa participación de:

• Prof. Fernando Martínez Abella, director do CITEEC.
• Prof. Jerónimo Puertas Agudo, vicerreitor de Investigación da UDC.
• Prof. Miguel Abelleira Doldán, director da Escola Técnica Superior de Arquitectura.
• Profs. He Hui e Xu Leiqing, en representación da delegación académica chinesa.
• Prof. Cristina García-Fontán, coordinadora do Grupo Persoa-Ambiente, quen fará a introdución metodolóxica do encontro.

Neuroarquitectura, saúde pública e Galicia como refuxio climático

O programa científico destaca pola súa marcada compoñente interdisciplinar, abordando temáticas clave para o benestar e a sustentabilidade urbana:

1. Sustentabilidade e Deseño Saudable: Analizaranse proxectos clave de colaboración científica UE-China a cargo de Marina Martínez (CDTI Bruxelas), e o proxecto TiBeRIUM (presentado polos profesores Ricardo García Mira, Fernando Bruna e Cristina García-Fontán), centrado no comportamento humano ante o cambio climático.
2. Neuroarquitectura e Espazos Curativos: O Prof. Leiqing Xu (Universidade de Tongji, Shanghai) ofrecerá unha conferencia plenaria sobre deseño ambiental e saúde pública. Tamén se exporán investigacións sobre espazos de curación (Dr. Dancheng Meng, Laboratorio de Neuroarquitectura de Tongji) e respostas afectivas aos espazos urbanos mediante tecnoloxía computacional (Prof. Xia Zhang, Universidade de Wuhan).
3. O Camiño de Santiago como Paisaxe Terapéutica: As profesoras da Universidade de Santiago de Compostela (USC), Mar Durán e Lucrezia Lopez, amosarán o potencial restaurador e socio-territorial da ruta xacobea como contorno natural e cultural.
4. Seguridade e Refuxio Climático: Trataranse cuestións contornas ao risco e á seguridade en Galicia con Roberto Lage Regal (Director de PRAXIS) e o papel de Galicia como potencial refuxio climático ante o turismo e a mercantilización da natureza, da man de Uxía Varela.

Cara a unha cooperación permanente entre Galicia e China

Máis alá do debate teórico, o congreso ten unha vocación práctica. Durante a xornada do venres 11 de setembro, organizaranse tres grupos de traballo especializados para fixar liñas prioritarias en neurociencia aplicada ao deseño espacial, psicoloxía ambiental e adaptación climática.

O obxectivo final é a posta en marcha de proxectos piloto conxuntos e a creación dun grupo de coordinación permanente entre as institucións galegas e chinesas, consolidando o CITEEC e a UDC como referentes científicos globais na creación de cidades máis inclusivas, seguras e saudables. O encontro pecharase cunha visita guiada ás instalacións do Laboratorio de Psicoloxía Social do CITEEC.

Datos clave do evento

• Datas: Do 9 ao 11 de setembro de 2026.
• Sedes: CITEEC (Campus de Elviña), Escola Técnica Superior de Arquitectura (ETSA) e Facultade de Ciencias da Educación (UDC).
• Organizan: Grupo de Investigación Persoa-Ambiente (UDC) e CITEEC.
• Programa científico. Descarga aquí.

V International Meeting_9-11 Sept 2026-Programa FinalDescarga

Homenaxe á traxectoria académica de Ricardo García Mira

• 

• 

  Entrega regalo

• 

  Discurso de Ricardo García Mira

• 

  Discurso de Ricardo García Mira

• 

  Entrega regalo

• 

  Homenaje

• 

  David Uzzell & Ricardo García Mira

• 

  Discurso Cristina García Fontán

• 

  García Mira y familia

• 

  Discurso Xavier Alcalá

• 

  García Mira y representantes institucionales

• 

  Discurso Fernando Gonzalez Laxe

• 

O pasado venres, o Grupo de Investigación Persona-Ambiente da Universidade da Coruña, xunto co Instituto de Estudos e Investigación Xoán Vicente Viqueira e máis dunha centea de persoas reuníronse na Coruña para rendir unha merecida homenaxe ao catedrático de psicoloxía social Ricardo García Mira, quen fora, tamén, presidente deste Instituto e que desenvolveu unha longa traxectoria de máis de 40 anos ao servizo da universidade e da ciencia.

Esta homenaxe a Ricardo García Mira permitiu poñer en valor unha traxectoria profesional de máis de cincuenta anos dedicada á investigación, á docencia universitaria e ao compromiso social. Porén, os últimos vinte anos da súa carreira académica configuran unha etapa de especial relevancia, marcada pola excelencia científica, o liderado internacional e unha contribución decisiva ao avance dos estudos sobre a relación entre as persoas e o medio ambiente.

Catedrático de Psicoloxía Social e especialista en Psicoloxía Ambiental, Ricardo García Mira dirixiu o Grupo de Investigación Persoa–Medio Ambiente da Universidade da Coruña desde 1995 ata 2022, consolidándoo como un referente internacional no ámbito da investigación interdisciplinar sobre sustentabilidade, comportamento humano e políticas públicas. Baixo a súa dirección, o grupo desenvolveu unha intensa actividade investigadora orientada tanto á xeración de coñecemento científico de alto impacto como á súa aplicación práctica na resolución de problemas sociais e ambientais complexos. Actualmente,García Mira foi nomeado Catedrático Honorario por el Institute for Policy Research da Universidade de Bath, en Reino Unido, para el período 2016-2027. 

Ao longo das dúas últimas décadas, García Mira liderou e participou en numerosos consorcios europeos competitivos, financiados polos programas marco da Unión Europea. Foi coordinador do consorcio ENTRANCES (2020–2023), centrado nos aspectos sociais da transición enerxética, e membro do consorcio TRIGGER (2022–2027), dedicado ao impacto do cambio climático na saúde. Anteriormente, coordinou proxectos de gran relevancia como LOCAW (2011–2013), sobre redución de emisións no lugar de traballo, e GLAMURS (2014–2016), sobre estilos de vida sostibles e economía verde, así como participou como investigador socio no proxecto TRANSIT (2014–2017), sobre innovación social, todos eles no marco do VII Programa Marco da Unión Europea.

Xa no programa Horizonte 2020, foi investigador socio nos proxectos CONNECTING (2017–2022), centrado nas transformacións urbanas baseadas no uso de recursos naturais, e SMARTEES (2018–2021), sobre transición enerxética e innovación social. A súa investigación abarcou tamén estudos de alto impacto social, como a análise das consecuencias do desastre do Prestige (2002–2008), os incendios forestais en Galicia (2006–2007) ou a modelización do comportamento ecolóxico nos proxectos MADELS e MULTIPLE IDENTITIES.

A súa produción científica compleméntase cunha intensa actividade editorial e de liderado académico internacional. García Mira foi elixido Fellow da International Association of Applied Psychology, presidiu a International Association for People-Environment Studies (IAPS) entre 2014 e 2018 e foi presidente do Instituto de Estudos e Investigación Psicosociais “Xoán Vicente Viqueira” desde 2004 ata 2022.

Ademais, forma parte do consello editorial de revistas internacionais de referencia como Journal of Environmental Psychology, Sustainability ou Journal of Sustainability Research, e exerce como editor europeo do Journal of Architectural and Planning Research desde 2005, tras ter sido editor do Bulletin of People-Environment Studies entre 2004 e 2018.

A súa proxección internacional reforzouse recentemente coa súa actividade académica en Asia, realizando visitas académicas a China, convidado pola Universidade Huazhong de Ciencia e Tecnoloxía (Wuhan) e pola Universidade Tongji (Shanghai), onde impartiu diversas conferencias. Esta experiencia engádese á súa relación continuada con Corea do Sur entre 2011 e 2016, período no que colaborou con universidades de Seúl, Daegu, Busan e Gwangju, consolidando redes científicas estables no ámbito asiático.

O recoñecemento internacional á súa traxectoria académica materializouse na súa investidura como doutor honoris causa pola Universidade Alexandru Ioan Cuza de Iași (Romanía) o 6 de decembro de 2018, a universidade máis antiga do país. Este nomeamento responde, entre outros méritos, á súa colaboración continuada na reconstrución do proxecto educativo e investigador en psicoloxía, unha disciplina que permanecera prohibida ata a revolución de 1989 durante o réxime de Ceaușescu. A súa achega foi clave na recuperación académica, modernización institucional e apertura internacional destes estudos. A este recoñecemento súmase o seu nomeamento como Profesor Honorario do Institute for Policy Research da Universidade de Bath (Reino Unido) para o período 2016–2027.

Xunto á súa carreira académica, Ricardo García Mira desenvolveu unha relevante actividade institucional e política como Deputado no Parlamento español pola provincia da Coruña nas XI e XII Lexislaturas (2016–2019), exercendo como Portavoz de Cambio Climático na Comisión de Transición Ecolóxica e como Secretario da Comisión de Economía e Innovación, contribuíndo á integración do coñecemento científico no deseño das políticas públicas.

O legado dos últimos vinte anos de Ricardo García Mira reside na súa capacidade para combinar rigor científico, liderado internacional e compromiso social, formando investigadores, creando coñecemento de impacto e situando á universidade como axente central na resposta aos grandes retos ambientais e sociais do noso tempo.

Convocados os IV Premios ‘Xoán Vicente Viqueira’ de investigación en ciencias sociais, humanidades, sustentabilidade e innovación da Deputación da Coruña

En memoria do filósofo, psicólogo e escritor Xoán Vicente Viqueira Cortón, e coa finalidade de recoñecer a actividade de investigación e innovación levada a cabo por persoas ou entidades que teñan destacado no ámbito das ciencias sociais e humanidades, a Deputación da Coruña convoca a 4ª edición do Premio “Xoán Vicente Viqueira” de investigación en ciencias sociais, humanidades, sustentabilidade e innovación.

Os beneficiarios dependen da modalidade:

A) Premio á traxectoria de vida adicada á investigación nalgún dos ámbitos das ciencias sociais, as humanidades, a sustentabilidade e a innovación social ao longo dos últimos 30 anos.

B) Modalidade de premio á innovación científica nalgún dos ámbitos das ciencias sociais, as humanidades, a sustentabilidade e a innovación social.

C) Modalidade de premio á calidade dun traballo de investigación realizado por unha persoa investigadora nova nalgún dos ámbitos das ciencias sociais, as humanidades, a sustentabilidade e a innovación social.

O prazo de solicitude iniciarase o día 17 de novembro de 2025 ás 08:00 horas, e finalizará ás 14:00 horas do día 17 de decembro de 2025.

As bases completas poden consultarse na seguinte ligazón:  https://bop.dacoruna.gal/bopportal/publicado/2025/11/06/2025_0000007232.html

PREMIOS XOÁN VICENTE VIQUEIRA

Este Instituto figura entre as entidades impulsoras destes premios, como recoñecemento á figura do psicólogo, profesor, filófoso, poeta e escritor Xoán Vicente Viqueira Cortón, veciño do municipio de Bergondo en 1924 pero que obtivo unha grande repercusión internacional polos seus traballos humanistas e orientados á innovación educativa.

O obxectivo deste certame é o de recoñecer a actividade de investigación e innovación levada a cabo por persoas ou entidades que teñan destacado no eido das ciencias sociais e humanidades.

O Instituto felicita aos gañadores dos III Premios Xoán Vicente Viqueira da Deputación: Jorge Sobral Fernández, Patricia Muñiz Núñez e Vicente Adrián López Chao

Os premiados: Jorge Sobral, Patricia Muñiz e Vicente López-Chao

O xurado da III edición dos Premios Xoán Vicente Viqueira Investigación en ciencias sociais, as humanidades, a sustentabilidade e a innovación social seleccionou as candidaturas de Jorge Sobral Fernández, catedrático de Psicoloxía Social da Universidade de Santiago de Compostela e director do departamento de Ciencia Política e Socioloxía desta universidade. Sobral, recibiu o Premio á traxectoria académica, recoñecendo a labor pioneira na psicoloxía social en Galicia e na psicoloxía xurídica en España, así como un especialista destacado no ámbito da criminoloxía. A súa produción científica centrouse, sobre todo, no ámbito da Psicoloxía Xurídicae a Psicoloxía Criminal. É membro de varias sociedades científicas e membro de fundador” da Sociedade Española de Investigacións Criminolóxicas. Forma parte do Consello de Redacción de numerosas publicacións de prestixio.

O Premio á innovación científica recaeu nas mans da arquitecta, urbanista e especialista en vivenda en situación de emerxencia, Patricia Muñiz Núñez, profesora da Escola de Arquitectura da Universidade da Coruña. Dela, o xurado valorou o alto nivel de transferencia e de utilidade social da súa investigación, centrada na vivenda de transición e realoxamento de persoas desprazadas por conflitos bélicos, desastres naturais ou consecuencias do cambio climático. Polo seu traballo como investigadora, Muñiz recibira xa o Premio COAG (Colexio de Arquitectos de Galicia) 2019 de Difusión, Investigación e Deseño e o Premio Manuel Castillo 2018 polas súas contribucións á investigación académica e científica nos ámbitos da cooperación, a paz e o desenvolvemento humano.

O Premio á calidade dun traballo de investigación realizado por unha persoa investigadora moza nalgún dos recaeu en Vicente Adrián López Chao,docente no departamento de Expresión Gráfica Arquitectónica da UDC. No seu caso, destaca o relevante impacto científico que fixo transcender a súa investigación do ámbito da arquitectura á educación e á psicoloxía ambiental. López Chao conta con un dobre doutoramento, en Arquitectura e en Educación, destacando a interdisciplinariedade da súa investigación. A súa tese doutoral sobre a calidade ambiental dos espazos educativosoutorouse obtivo o Premio Extraordinario de Doutoramento da UDC (2017).

As persoas premiadas, xunto cos impulsores dos Premios, a Deputación de A Coruña e o Instituto Xoán Vicente Viqueira. Fonte: Deputación da Coruña

Un premio en memoria do afán investigador e galeguista

Este galardón, outorgado pola Deputación da Coruña, e que conta co asesoramento do Instituto de Investigación Psicosocial Xoán Vicente Viqueira, presidido pola doutora e profesora Isabel Lema Blanco, ten tamén coma obxectivo por en valor a traxectoria investigadora do filósofo, psicólogo e escritor Xoan Vicente Viqueira Cortón, que naceu en Madrid pero viviu ata os 12 anos en Vixoi (Bergondo) e que desenvolveu investigacións no eido do pensamento filosófico e apostou polo progreso da educación, sempre co galego por bandeira.

Convocados os III Premios ‘Xoán Vicente Viqueira’ de investigación en ciencias sociais, humanidades, sustentabilidade e innovación da Deputación da Coruña

Imaxe: Ricardo García Mira, Alejandra Pérez Máquez, Yoya Neira e  Isabel Lema Blanco.

• O período para presentar solicitudes rematará o 30 de decembro

• Os gañadores recibirán 19.500 euros en premios, 6.500 en cada unha das tres categorías

A Deputación da Coruña publicou no Boletín Oficial da Provincia (BOP) a apertura do prazo para presentar candidaturas á III edición do premio ‘Xoan Vicente Viqueira’, de investigación en ciencias sociais, humanidades, sustentabilidade e innovación, co fin de de recoñecer a actividade de investigación e innovación levada a cabo por persoas ou entidades que teñan destacado no ámbito das ciencias sociais e humanidades.

O obxectivo deste certame é recoñecer a actividade de investigación e innovación levada a cabo por persoas ou entidades que teñan destacado nos ámbitos das ciencias sociais e humanidades.

Así, poderán propor candidaturas todas as persoas físicas ou xurídicas que realicen actividades de investigación e innovación no ámbito das ciencias sociais e humanidades. Tamén poderán facer propostas de candidaturas as persoas que formen parte do xurado ou calquera socio do Instituto Xoán Vicente Viqueira.

As citadas candidaturas deberán propor a unha persoa ou entidade ligada a proxectos que se desenvolvan ou relacionen coa investigación e innovación no ámbito das ciencias sociais e humanidades e que teñan a súa residencia ou sede social no territorio español. Non estarán admitidas as autocandidaturas.

Tres premios

Nesta edición establécense de novo tres premios para cada unha das modalidades.

A primeira delas é o premio á traxectoria de vida dedicada á investigación nalgún dos ámbitos das ciencias sociais, as humanidades, a sustentabilidade e a innovación social ao longo dos últimos 30 anos. A segunda, o galardón á innovación científica nalgún dos ámbitos das ciencias sociais, as humanidades, a sustentabilidade e a innovación social. A última delas premia a calidade dun  traballo de investigación realizado por unha persoa investigadora nova nalgún dos ámbitos das ciencias sociais, as humanidades, a sustentabilidade e a innovación social. Cada unha destas categorías está dotada con 6.500 euros.

A terceira edición destes premios conmemora a memoria do filósofo, psicólogo e escritor Xoán Vicente Viqueira Cortón. Xoán Vicente naceu en Madrid en 1886, pero viviu ata os 12 anos en Vixoi (Bergondo), e foi unha persoa que desenvolveu investigacións no eido do pensamento filosófico e apostou progreso da educación, sempre co galego por bandeira.

As bases completas poden consultarse na seguinte ligazón: https://bop.dicoruna.es/bopportal/publicado/2024/10/30/2024_0000007614.html

PREMIOS_XVV_2024Descarga

PREMIOS XOÁN VICENTE VIQUEIRA

Este Instituto figura entre as entidades impulsoras destes premios, como recoñecemento á figura do psicólogo, profesor, filófoso, poeta e escritor Xoán Vicente Viqueira Cortón, veciño do municipio de Bergondo en 1924 pero que obtivo unha grande repercusión internacional polos seus traballos humanistas e orientados á innovación educativa.

O obxectivo deste certame é o de recoñecer a actividade de investigación e innovación levada a cabo por persoas ou entidades que teñan destacado no eido das ciencias sociais e humanidades.